All I Need by Erin - Chapter 6

(Blue)

”Seven o’clock na wala pa rin sina Jennifer. Oi Erin na-watch mo ba kagabi yung PBA? Laban kasi ng san mig at ginebra ’yon eh. ” tanong niya sa bestfriend niya. Nasa oval bench pa sila at hinihintay ang ibang barkada bago magsipasukan sa kani-kanilang room. Routine na nila ’yong mga girls tuwing umaga-na magbatian at magbeso-beso pag-uwian.

Tinaasan lang siya nito ng kilay. Oo nga pala, wala pala itong interes sa basketball. Nagkamali siya ng taong pinagtanungan. Napahagikgik siya.

”Mukhang masigla ka ngayon ah. May nangayri bang maganda nung sabado?” nakangiting tanong ni Erin sa kaniya.

Alam na niya ang tinutukoy nito. Ang date nila kuno ni Kuya Will ang gusto nitong ibulgar niya.

”Wala naman nangyari kakaiba. Nagpunta lang kami sa ilog at nagsnacks.” sagot niya.

Tiningnan siya nito na parang sinusuri kung totoo ba ang sinasabi niya. Nang makitang seryoso siya ay napatapik ito sa noo.

”Hay Ikay, wala ka na talagang pag-asa.” naiiling nitong sabi sa kaniya.

Nangunot ang noo niya.”Ano na naman ba iyon?”

”Hindi mo ba man lang mahalata?”

”Ang ano?”

”Na gustung-gusto ka ni Will!” singit ng baklang si Jonathan sa pag-uusap nila.

”Singitera! Pa’no niyo naman nasabi?”

Naiinis na tumayo si Erin. ”Hay naku! Hindi ko na mahihintay ang iba, kayo nalang tutal 8 o’clock pa ang klase niyo. At saka Jonathan ikaw na ang kumausap diyan sa bestfriend kong napaka-manhid. Naku talaga!”

Humakbang na ito palayo sa kanila. Nasundan niya ito ng tingin bago bumaling kay Jonathan na inaayos ang make-up sa mukha. Tumingin din ito sa kaniya bago siya nginitian ng malapad.

”Kahit anong gawin mong pag-papanggap kay Jackelyn na bading ka, lalabas pa rin ang katotohanan na in love ka sa kaniya.” asar niyang sabi dito. Ayaw niya ang klase ng ngiting iyon ng baklitang katabi niya. Ngiting sinasabi na isa siyang walang pakiramdam na babae na kahit anong pa-cute na gawin ng lalaki sa harapan niya ay hindi niya mapapansin.

Nagseryoso naman ito at lumabas ang pagiging lalaki nito. ” Pareho lang tayo. Pero mas malala ka dahil nasa harapan mo na hindi mo pa makita.”

”Mali kayo ng iniisip ano. Walang gusto sa akin si Kuya Will.” aniya. Naiinis na siya sa sobrang kulit ng mga ito na paulit-ulit sa litanyang may gusto sa kaniya si Kuya Will.

”Pa’no mo naman nalaman? Sinabi ba niya sa’yo? Hindi naman ’di ba?” pananalakab nito. Nagbalik sa pagiging bading ito ng mamataan si Jackelyn na papalapit sa kanila.

Napahagikgik siya. ”Hindi ka ba nahihirapan sa ginagawa mo? Nagpapanggap na bading para lang kay Jackelyn na babae naman ang gusto?”

Hindi ito sumagot siniko lamang siya at nagsenyas na tumahimik siya.Napahagalpak na siya ng tawa. May naisip na naman siyang bagong kwento.

”Hi girls!” bati ni Jackelyn sa kanila. Kahit na nakapalda mapapansin na babae talaga ang gusto nito at hindi isang bading na katulad ni Jonathan. Kung sabagay, babae nga pala si Jonathan baka pwede rin ang mga itong magkatuluyan. Sumasakit na ang tiyan sa kakapigil sa pagtawa.

”Mukhang maganda ang mood ni Ikay ngayon ah. Anong bang magandang nangayri ha?” nangingiting tanong ni Jack.

”Hay naku! Maloloka ka sa babaing ’to, nakipagdate na lahat kay Kuya Will eh hindi pa rin umaamin na gusto rin niya ang kaniyang fake brother.” pumipilantik ang mga daliri nito at nagbeu-beutiful eyes kay Jack.

”Ayos ’yon ah. Anong nangyari? Ikwento mo naman sa amin.” sabi nito na naupo rin sa oval bench.

”Mamaya nalang kasi time na namin eh. Sige ha.” aniya sabay hila kay Jonathan patayo at dali-daling naglakad papasok sa kanilang room.

”Kainis ka talaga.” habol na sigaw ni Jack.

Bakit hindi siya magmamadali eh nakita niya si Kuya Will na papunta sa direksyon nila. Hindi niya gustong marinig nito ang pinaguusapan nila. Nakakahiya kaya, at saka baka kung ano pa isipin nito at sabihan pa siyang ilusyunada. At bakit naman niya iisipin na may gusto ito sa kaniya gayong nakikita niyang kapatid lang ang turing nito sa kaniya. At kung totoo man na may gusto ito sa kaniya…Napabuntong hininga siya. Umupo na siya sa chair na may name tag niya sa may sandalan bago nangalumbaba. Kung totoo man iyon, Hindi niya siguro alam ang gagawin niya.

Gusto nang itanong ni Will kay Ikay kung nagkaroon ba siya ng tatlong mata at ganoon na lamang ito makatitig sa kaniya. Kanina, habang papunta sila sa canteen ay nakatitig na ito sa kaniya at waring may gustong sabihin. Ngayon ay pakiramdam niya, may mali sa mga kilos niya at bawat galaw niya ay sinusundan nito ng tingin. Alam niyang napapansin na rin ng iba ang ginagawang pagtitig na iyon sa kaniya ni Ikay kaya naman para siyang nasa hot seat. Ano bang nakikita nito at ganoon na lamang ito makatitig sa kaniya?

”Bunso, baka malusaw na si Kuya Will mo sa kakatitig mo sa kaniya.” Lihim na natatawang sabi ni Reed.

Napatingin si Ikay kay Reed at parang wala sa sariling nagtanong. ”May sinasabi ka ba, bossing?”

Napahagikgik naman ang ibang girls at nagsikuhan.

”Ayaw pa kasing umamin ng isa diyan eh.” kinikilig na sabi ni Jinky.

Bigla naman pinamulahan ng mukha si Ikay. ”Eh kasi, nag-iisip lang ako ng bagong kwento. At naisip ko na this time, si Kuya Will naman ang gagawan ko ng love story. Siya nalang kasi sa mga boys ang wala pang love story eh.”

”Asus! Palusot pa si Bunso.” pang-aasar na sabi ni Rhoena na humagikgik ng ambaan niya ng suntok. ”Uy guilty siya.”

Huminga siya ng malalim bago tinitigan si Kuya Will. ”Kuya Will, May gusto ka ba sa akin?”

Tumawa ng malakas sina Sipag at Arciaga. Si Reed naman ay nagkunwaring kumakain ng sandwich nito. Sina Jennifer at Jinky naman ay nag-excuse na pupunta sa comport room. Sina Rhoena at Jonathan ay alanganing matatawa o hindi.Ang totoo ay nagulat ang mga ito sa straight niyang pag-tatanong.

Gusto niyang pagsasapakin ang mga ito. Kanina ay ang lalakas mang-asar ngayon eh akala mo mga anghel sa sobrang tahimik. Tumingin siya kay Kuya Will. Wala man lang mabasang anuman sa mukha nito.

”Ano ba, Kuya Will?!Tinatanong kita kung may gusto ka ba sa akin o wala?” naiinis na siya. Bakit tahimik lang ito.

”Itigil mo yang kalokohan na iyan.” malamig na sagot ni Will.

Inis siyang tumayo at padabog na kinuha ang knapsack bag niya bago naglakad palabas ng canteen. Nadisappoint siya sa isinagot nito. Hindi iyon ang inaasahan niyang sagot. Pwede naman nitong sabihin na hindi o kung may gusto man ito sa kaniya ay pwede namang umamin na lamang ito, hindi iyong nakabitin siya sa ere sa ginawa nitong pag-sagot ng ganoon.

Naiinis talaga siya. Naku! Nanggigigil siya kay Kuya Will. Gusto niya itong sapakin.

Nangunot ang noo niya ng makitang nag-iiyak si Erin habang naglalakad ito.

”Erin!” tawag niya dito at ng tumingin ito sa kaniya ay nagpahid ng mga mata bago ngumiti sa kaniya.

”Anong nangyari? Bakit umiiyak ka ng ganyan?” tanong niya ng makalapit dito. Napatingin siya sa mga braso nito. ”Bakit may pasa ka?”

”Si Maryrose, Alam na niya ang tungkol sa amin ni Marc. Pinagsasampal niya ’ko pati na rin yung mga kaibigan niya. Pinagtulungan nila ’ko Ikay.” muli na naman itong umiyak.

”Nasaan na sila Maryrose?” Ngayong mainit ang ulo niya. Gusto niyang awayin ang lahat.